Ego, in Dei nomine, Aldo et uxor mea Otta donamus Domino Deo et Sancto Petro, ad locum Cluniacum, cui domnus Odilo abba preesse videtur, unum molendinum cum salceto, et quicquid ad illud aspicit, in tali tenore, ut quamdiu vixerimus ego Aldo et uxor mea Otta, et unus filius noster, nomine Durannus, unam medietatem teneamus et possideamus; altera in presenti ad Sanctum Petrum deveniat. Facimus autem hanc donationem pro remedio animarum nostrarum et pro anima Pontiani, qui antea Sancto Petro donavit. Et si quis, aut nos, aut ullus de heredibus nostris, aut ulla persona, quę istam cartam calumpniare voluerit, omnes maledictiones super eum veniant, et postea firma et stabilis permaneat. S. Aldonis et uxoris ejus Ottę, qui fieri et firmare rogaverunt. S. Guldrici presbiteri. S. Lantberti filii eorum. S. Duranni presbiteri. S. Petri. S. Adam. S. Walterii.